AURIGRAPHUS

AURIGRAPHUS

dicitur Ugutioni et Iohanni de Ianua, qui aurcam scripturam facit. Χρυσογράφος Scylitzae p. 450. et Ioeli in Chron. p. 177. Aureis enim literis pretiosiores olim libri scribi solebant. Liber Translations S. Stephani, Textum deinceps Sacrorum Euangeliorum aureis characteribus exaratunt obtulit. Ordericus Vitalis l. 5. Luitprandus Langobardorum Rex, donationem patrimonii Alpium Cottiarum, quam Aripertus, aureis scriptam Literis Romam direxerat, confirmavit. Ex qua vero materia constaret eiusmodi aureus, ut et ceteri colores, in exarandis ornandisque libris adhiberi soliti, docet Papias inprimis, in voce Libri, his verbis: Scribebantur autem (libri) diversis coloribus, quos facere poteris huiusmodi factis confectionibus. Argenteas literas facies, si aeris florem et alumen aequis ponderibus in argento contriveris. Aureas facies, si alumen et aeris florem aequô pondere aceto infusum de auro in aurum, usque ad mellis Attici crassitudinem triti perduxeris. Aereum colorem facies si sal et alumen rotundum aequi ponderis in aereo vasculo acetô infusô in aeramento teras, usque ad mellis Attici crassitudinem. Hoc etiam ferreum facit: apud Car. du Fresne Glossar. Vide quoque infra, ubi. de Auro liquato.